Башҡортостанда Һабантуй халыҡ байрамын ойоштороу буйынса Указға ҡул ҡуйылды. Документты Республика Башлығы Рөстәм Хәмитов имзаланы. Указ рәсми хоҡуҡи мәғлүмәт интернет-порталында урынлаштырылған.

Документта халыҡ байрамын ойоштороу өсөн яуаплы ведомстволар һәм сараны үткәреү ваҡыты күрһәтелгән. Графикка ярашлы, беренсе Һабантуйҙар 26 майҙа Ҡырмыҫҡалы районы һәм Стәрлетамаҡ ҡалаһында үтә.

Байрам күпселек райондарҙа 2 һәм 10 июндә ойошторола, Өфөлә 12 июндә уҙғарыласаҡ. Иң аҙаҡҡы Һабантуй байрамы – 7 июлдә Иглиндә үтәсәк.