Тиҙҙән йәш яҙыусы Айгиз Баймөхәмәтовтың “Әкиәтһеҙ бала саҡ” исемле китабы донъя күрәсәк!

Тиҙҙән йәш яҙыусы Айгиз Баймөхәмәтовтың “Әкиәтһеҙ бала саҡ” исемле китабы донъя күрәсәк!
Күптән түгел генә йәш журналист, Рәсәй һәм Башҡортостан яҙыусылар союзы ағзаһы, Рәсәй һәм Башҡортостан журналистар союзы ағзаһы, Ш.Бабич исемендәге дәүләт премияһы лауреаты, “Ҡалдырма, әсәй!” популяр китабы авторы Айгиз Баймөхәмәтовтың “Әкиәтһеҙ бала саҡ” исемле яңы китап өҫтөндә эш алып барыуы мәғлүм булды.
Яңы китап -“Ҡалдырма, әсәй!” повесының, М.Ғафури исемендәге Башҡорт дәүләт академия драма театрында сәхнәләштерелгән “Хыялға ҡаршы” спектакленең дауамы. Ҙур полулярлыҡ һәм билдәлелек яулап өлгөргән китап кеүек, спектакл дә публика һөйөүен тиҙ яуланы, шулай уҡ сит республика театрҙарында ла ҙур уңыш менән сәхнәләштерелә.
“Әкиәтһеҙ бала саҡ” – яңы тетрәткес хәл-ваҡиғалар менән тулы автобиографик әҫәр. Тәүге китапҡа инеп өлгөрмәгән төрлө күренештәр, геройҙарҙың артабанғы яҙмышы, һыҙланыуҙар...
Әҫәрҙә балалар йорто тәрбиәләнеүсеһе Ильяс исемле етем малайҙың еңел булмаған тормошо һүрәтләнә. Урлашыу кеүек насар ғәҙәт менән дә дуҫлашырға тура килә әҫәр геройына. Уҡыусылар Ильястың ни өсөн был юлға барыуын тиҙҙән донъя күрәсәк китапты ҡулдарына алғас ҡына аңларҙар.
Айгиз Баймөхәмәтов менән ағымдағы йылдың март айында интервью ойошторолғайны. “Ҡалдырма, әсәй!” повесы, “Хыялға ҡаршы” спектакле һәм “Әкиәтһеҙ бала саҡ” әҫәрҙәре тураһында ентекле мәғлүмәт алырға теләһегеҙ, түбәндәге һылтанма буйынса үтегеҙ (http://prpsk.ru/archives/4850)

Гүзәл Багаева

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb