Тиҙҙән Өфө “Нур” татар дәүләт театрында Мөнир Ҡунафиндың пьесаһы буйынса “Ҡояшлы яҡҡа сыҡ” спектакле ҡуйыласаҡ. Әҫәрҙе “Нур” театрының баш режиссеры, Башҡортостандың һәм Татарстандың атҡаҙанған сәнғәт эшмәкәре Байрас Ибраһимов сәхнәгә ҡуя. Әлеге ваҡытта премьераға әҙерлек тулы көсөнә бара.
Көтөлгән премьераның жанры — лирик анекдот. Спектаклдә Башҡорторстандың атҡаҙанған артисы Лияна Хәйертинова, Гөлназ Биктимерова, Риф Ғөбәйҙуллин, Азат Вәлиуллин, Илшат Салауатов ҡатнаша. “Ҡояшлы яҡҡа сыҡ” спектакленең премьераһы 14, 15 һәм 23 майҙа “Нур” театрының Ҙур сәхнәһендә тәҡдим ителәсәк.