Танылған башҡорт режиссеры Айнур Асҡаровтың проекты 2018 йылда Рәсәй Мәҙәниәт министрлығынан аҡса алды.

Был — көтөлмәгән хәлдә иҫән ҡалыу тураһында драма. Сюжет 2016 йылда режиссерҙың тыуған яғында — республиканың Хәйбулла районында булған хәл-ваҡиғаларға нигеҙләнгән. Проектты Свердловск киностудияһы тәҡдим иткән. Сценарий авторы — Айҙар Аҡманов, режиссер «Өфөнән һөйөү менән» романтик комедияһында ла уның менән бергә эшләгәйне.

«Буран» — ысын хәл-ваҡиғаларға нигеҙләнгән фильм ул. Унда барыһы ла бар: интригалар, үлем, мөхәббәт һәм хатта сабыйҙың донъяға килеүе лә! Хәл көслө буран ваҡытында юлда ҡалған машиналарҙа бара», — тип асыҡлыҡ индерҙе Айнур Асҡаров.