Тиҙҙән Өфөлә легендар бейеүсе Рудольф Нуриевтың тыуыуына 80 йыл тулыуҙы билдәләйҙәр. Юбилей сараларын 15-17 мартта уның исемен йөрөткән Башҡорт хореография колледжында ойошторола.

15 мартта "«РУДИ – NEVER OFF…» тигән спектакль күрһәтелә. 16 мартта донъя йондоҙоноң яҙмышын хәл иткән "Торналар йыры" балеты ҡуйыла.

Гала-концерт  17 март көнөнә билдәләнгән, уҙғарыу урыны-Башҡорт дәүләт опера һәм балет театры, сарала  Санкт-Петербургтан Мария театры коллективы ҡатнашыуы көтөлә.