Туймазы дәүләт татар драма театры 29-сы ижад миҙгелен премьера менән асты. Владимир Жеребцов пьесаһы буйынса ҡуйылған “Тау артында тау илай” спектакле тамашасылар хөкөмөнә сығарылды.
“Берҙәм Рәсәй” партияһының “Кесе Ватан мәҙәниәте” проекты сиктәрендә тормошҡа ашырылған спектакль Бөйөк Еңеүҙең 75 йыллығына арнала. Тамаша ике ябай кешеләрҙең –Муса менән Ғәйнисаның яҙмышын бәйән итә.
Спектаклде сәхнәгә ҡуйыусы режиссер – БР атҡаҙанған артисы Азат Йыһаншин, ҡуйыусы рәссам – Рөстәм Баймөхәмәтов, композитор – БР атҡаҙанған сәнғәт эшмәкәре Юлай Үҙәнбаев әҙерләне.