Туймазы районы Ҡандра ауылында «Мәҙәниәт» милли проекты буйынса моделле китапхана барлыҡҡа килде. Бинаға юғары тиҙлекле интернет үткәрелгән, ремонт эшләнгән. “Хәҙер бында һәр кем үҙенә ҡыҙыҡлы шөғөл таба аласаҡ”, - ти китапхана мөдире Ғәлиә Саҡаева.

 “Мәҙәниәт” милли проекты буйынса республикала быйыл тағы өс яңы быуын китапханаһы асыла. Күгәрсен районы үҙәк китапханаһы, Саҡмағош районынан Иҫке Ҡалмаш һәм Стәрлетамаҡ районынан Наумовка ауыл китапханалары үҙгәртеп ҡорола.