Күптән түгел Туймазы районының Яңы Бишенде ауылында өр-яңы Мәҙәниәт йорто сафҡа инде.

Асыу тантанаһында ҡатнашыусыларҙы Башҡортостан Республикаһы мәҙәниәт министры урынбаҫары Р.Р. Алтынбаев сәләмләне.Шулай уҡ, Туймазы районы муниципаль районы Хакимиәте башлығы урынбаҫары С. А. Подоприхин, ЯСЙ «Альтернатива» генераль директоры, Башҡортостан Республикаһы Ҡоролтай Дәүләт йыйылышы депутаты Р.К. Фәхретдинов, «3-сө төҙөлөш фирмаһы» генераль директоры И.Г. Минибаев, райондың депутаттары һәм ауыл халҡы сығыш яһаны.

Сара сиктәрендә ауыл клубының үҙешмәкәр сәнғәт коллективтары байрам концертын ойошторҙо.