Туймазы татар дәүләт драма театры хәбәр итеүенсә, “Берҙәм Рәсәй” партияһы вәкилдәре тәҡдиме буйынса күрһәтелгән матди ярҙамға  театр спектаклдәр әҙерләй!

Бөгөнгө көндә театр коллективы күренекле башҡорт драматургы Хәбибулла Ибраһимов пьесаһы буйынча “Еҙнәкәй” исемле музыкаль комедияны сәхнәләштереү өҫтөндә эш алып бара. 

Спектаклдее ижад  итеү өсөн бер төркөм талантлы шәхестәр йәлеп ителде: режиссер—Илнур Муллабаев, композитор—Башҡортостандың  атҡаҙанған сәнғәт эшмәкәре Илшат Яхин, рәссам—Рәсәйҙең  һәм Ҡамык Республикаһының атҡаҙанған сәнғәт эшмәкәре Валерий Яшкулов, хореограф—Башҡортостандың атҡаҙанған артисткасы Сулпан Асҡарова, хормейстер— Башҡортостандың атҡаҙанған артисткаһы Нурия Басырова.

Башҡорт халҡының боронғо  йәшәү рәүешен, тормошон, яҙмышын сағыу  яҡтыртҡан, нәфис юмор менән һуғарылған күркәм әҫәрҙә театрҙың барлыҡ актерҙары ла ҡатнаша. 
Был комедия сәхнә күргәндән һуң , театр йәнә бер классик әҫәргә алынасаҡ. 

Әлеге спектаклдәр Бөтә Рәсәй сәйәси партияһы “Берҙәм Рәсәй” вәкилдәре тәҡдиме буйынса, 300 мең кешегә тулмаған халыҡ һанлы кесе ҡалаларҙағы театрҙарға ярҙам күрһәтеү ниәтенән федераль бюджеттан бүленгән субсидия аҡсаһына ҡуйыласаҡ.