Туймазы татар дәүләт драма театры Александр Коровкин пьесаһы буйынса сәхнәләштерелгән «Түтәйҙәр” исемле комедия ҡарарға саҡыра.

Йыраҡ бабаларынан мираҫ булып ҡалған ҡала үҙәгендәге боронғо, зиннәтле йортта апалы-һеңлеле Розалия менән Гүзәлиә йәшәй.  Улар икеһе лә ғүмерҙәрен табип һөнәренә бағышлаған, бөгөн инде хаҡлы ялда. Тик, күптәр ҡарттарға үҙ йорттарында тыныс ҡына йәшәргә ирек бирмәй, алдау юлы менән тарихи иҫтәлек булып торған йортто үҙләштереп аҡса эшләргә теләй. Шундай яман ниәт менән йөрөгән спектаклдең ҡайһы бер  геройҙары төрлө мәҙәк, көлкөлө хәлдәргә тарый. 

Спектаклдең режиссеры—Зиннур Сөләйманов, рәссамы—Рәсәйҙең һәм Ҡалмыҡ Республикаһының атҡаҙанған сәнғәт эшмәкәре Валерий Яшкулов.