Тиҙҙән Туймазы татар драма театры Мәскәүҙә сығыш яһаясаҡ. Гастролдәр1-2 февраль көндәрендә Мәскәүҙәге Мюзик-холл сәхнәһендә уҙа. Башҡортостан театры илебеҙҙең баш ҡалаһы тамашасыларына «Еҙнәкәй» һәм «Түтәйҙәр» спектаклдәрен тәҡдим итәсәк.

Театр тап ошо спектакль-Хәбибулла Ибраһимов пьесаһы буйынса ҡуйылған  “Еҙнәкәй” музыкаль комедияһы менән үҙенең XXVII миҙгелен асҡайны.

Спектакль ярлылыҡтан тамам туйған Ғиззәт атлы йәш егеттең эш эҙләп ҡалаға килеүе һәм унда кейәүгә сығыу хаҡында хыялланған бай ҡыҙҙарына эләгеүе тураһында.
Музыкаль комедия-халҡыбыҙҙың йөҙ йылдар элек булған тормошо, йәшәү рәүеше, рухи ҡиммәттәре хаҡында.