23 майҙа Туймазы татар драма театрында  Екатерина Боронникова һәм Роман Дымшаков пьесаһы буйынса эшләнгән «Яратырға өйрәт мине» променад-спектакленең премьераһы уҙҙы.

Променад һүҙе французсанан “йөрөп кереү” тип тәржемә ителә. Променад-театрының тыуған иле булып Лондон иҫәпләнә. Үҙенсәлекле жанрҙағы спектаклде тәүгеләрҙән булып 2000 йылдан башлап эшләп килгән Punchdrunk труппаһы сәхнәләштергән. Променад-спектакль шуның менән үҙенсәлекле, тамашасы актерҙарҙың уйынын ҡарап ҡына ҡалмай, ә үҙе лә ошо сәхнә уйынында ҡатнаша. Актерҙар театр һөйөүселәргә йөкләмәләр  менән мөрәжәғәт итә.

«Яратырға өйрәт мине» спектакле 17 йәшлек уҡыусы егет менән 37 йәшлек уҡытыусы араһындағы мөнәсәбәттәр тураһында. Ғәҙәти булмаған жанрҙағы сәхнә әҫәре тамашасыларҙа ҙур ҡыҙыҡһыныу уятты.