Учалы районыныңНаурыҙ мәҙәниәт йортонда Башҡортостандың атҡаҙанған мәҙәниәт хеҙмәткәре Кәримов Фәсих Кәтип улы исеменә яңғыҙ бейеүселәр араһында беренсе бәйге үтте.

Учалы районының 15-тән ашыу ауылынан 16 йəшкə тиклем һəм 16 йəштəн өлкəн 37 ашыу бәйгесе көс һынашты.  

Талантлы, маҡсатлы  үҙешмәкәр артистары ярышын мәртәбәле, компетентлы жюри ағзалары баһаланылар: район Советы сәркәтибе Зариф Ғарипов, Башҡортостандың атҡаҙанған мәҙәниәт хеҙмәткәре, Шәйехзада Бабич исемендәге дәүләт премияһы, Муса Мортазин премияһы лауреаты, бейеүҙәр ҡуйыусы, ҡурайсы Рәйес Низаметдинов, Салауат Низмаетдинов исемендәге Учалы сәнғәт һәм мәҙәниәт колледжының хореограф-ҡуйыусыһы, Учалы филармонияһы режиссеры Гөлназ Ғайсарова, Наурыҙ ауылы биләмәһе башлығы Закир Ғарипов. 

Бәйге бер турҙан торҙо. Соло номинацияһында сығыш яһаған, йәғни яңғыҙ башҡарыусылар – конкурсҡа бер бейеү тәҡдим итте. Этап һөҙөмтәләре буйынса жюри ағзалары иң яҡшы сығыштарҙы һайлап, бәйге ҙур гала-концерт менән тамамланды. Гран-при, бер тауыштан еңеүсе тип табылған, Наурыҙ ауылы егете Азамат Тажетдиновҡа тапшырылды.

Төп призлы урындарҙан тыш, ойоштороусылар(Кәримовтар ғаиләһе) тарафынан өҫтәлмә номинациялар ҙа булдырылған ине.
Фәсих Кәтип улының иҫтәлегенә үткәрелгән бейеүселәр конкурсы бәйгеселәрҙең рухи хазиналар донъяһын байытып ҡына ҡалмай, ә алдағы йылдарҙа ла үҙенең эшен дауам итеп, - традицион конкурсҡа әйләнер тип ышанабыҙ!

Сара фотолары түбәндәге һылтанмала: https://vk.com/album262332193_246489009