Учалы мәҙәниәт бүлегенән хәбәр итеүҙәренсә, Учалыла мәҙәниәт хеҙмәткәрҙәре өсөн “Яҙғы һәм йәйге байрамдар” тип аталған семинар-практикум үткән.

Сарала Силәбе дәүләт мәҙәниәт һәм сәнғәт академияһы доценты, билдәле мәҙәни саралар режиссеры Сергей Лукашин сығыш яһаған.
Семинар-практикумда ҡатнашыусылар Еңеү көнөн, сығарылыш кисәләрен, һабантуйҙарҙы ойоштороу алымдарына төшөндө, шулай уҡ ауыл халҡы өсөн тәғәйенләнгән театрлаштырылған уйын программалары менән танышҡан. Семинарҙа ҡатнашыусылар өсөн сара аҙағында “Беренсе республика” тарихи фильмы күрһәтелгән.