14 ноябрь һуҡырҙар өсөн Башҡортостан республика махсус китапханаһында инвалид балалар араһында үткән Республика ижади конкурсының еңеүселәрен бүләкләү тантанаһы үтәсәк.

Конкурстың төп маҡсаты - мөмкинлектәре сикләнгән балаларҙа китап уҡыуға мохтажлыҡ формалаштырыу.

Конкурс өс номинацияла уҙғарылды:

• "Минең Мостай Кәрим" номинацияһында яҙыусының әҫәрҙәре тураһында инша, эссе, хикәйә (шиғырҙа һәм прозала) яҙыу;
• "Мостайҙың тере һүҙе" номинацияһында мультимедиялы продукт: буктрейлерҙар, конкурс темаһы буйынса төрлө форматтарҙағы презентациялар яһау;
• "Мостайға тылсымлы юл" номинацияһында яҙыусының әҫәрҙәрен ҡулланып, тактиль китаптар эшләү.

Конкурста республикабыҙҙың 40-тан ашыу ҡала һәм райондарынан 7 йәштән алып 18 йәшкә тиклем 150-нән ашыу бала ҡатнашты. Конкурсҡа видео һәм презентация форматында 70 эш, 50 инша, эссе, шиғырҙар, 20 тактиль китаптар тәҡдим ителде.

Еңеүселәрҙе бүләкләү тантанаһында республиканың мәҙәниәт министрлығы, министерстволар һәм идаралыҡтар вәкилдәре, йәмғиәт ойошмалары вәкилдәре, билдәле педагогика һәм мәҙәниәт эшмәкәрҙәре ҡатнашасаҡ.

Сара 12:00 сәғәттә үтә.

Адрес: Өфө ҡалаһы, Киров урамы, 47.