1 апрель көнө Өфөнөң «Башҡортостан» дәүләт концерт залында Башҡортостан Республикаһында Владимир Спиваков фонды академияһы проекты башлана. Ойоштороусылар хәбәр итеүенсә, Академия 31 марттан алып 8 апрелгә тиклем эшләйәсәк. Сара барышында концерттар һәм оҫталыҡ дәрестәре ойошторолоу ҡаралған. Сарала танылған музыканттар, Академия уҡытыусыларының ҡатнашыуы көтөлә. Израилдән скрипкасы Александр Поволоцкий, Франциянан Екатерина Немирович, Башҡортостан Республикаһында В. Спиваков фонды директоры, Мәскәү дәүләт академия филармонияһы һәм Мәскәү өлкә филармонияһы программалары солисы, Башҡортостандың атҡаҙанған артисы Артур Нәзиуллин, Рәсәйҙең атҡаҙанған артисы, В. Спиваков етәкселегендәге Милли филармония оркестрының флейталар төркөмө концертмейстеры Сергей Бубнов, Ҡалмыҡстан Республикаһының атҡаҙанған артисы Игорь Лазарев, Гнесиндар исемендәге Дәүләт музыка колледжының тынлы һәм һуҡма уйын ҡоралдары бүлеге етәксеһе Леонид Друтин сығыш яһаясаҡ.