Иртәгә-30 мартта, Башҡортостан Республикаһы Башҡорт ҡатын-ҡыҙҙары берләшмәһенең Яңауыл филиалы, Яңауыл районының Башҡорттар ҡоролтайы һәм муниципаль район хакимиәте Киҫәк-ҡайын ауылында «Урал батыр байрамы» уҙғара.
Ойоштороусылар хәбәр итеүенсә, «Урал батыр» башҡорт халыҡ эпосын популярлаштырыу, традицион уйын-бәйгеләрҙе тергеҙеү, этник спортты, йолаларҙы һәм ғөрөф-ғәҙәттәрҙе пропагандалау маҡсатында уҙғарыла.
Сарала мосолмандарҙың «Ҡорбан салыу» йолаһы, милли «Көрәш» буйынса ярыштар, халыҡ уйындары һәм йолалары күрһәтеләсәк.
Шулай уҡ кисә барышында боронғо «Урал батыр» эпосынан өҙөктәр уҡыу, милли ашамлыҡтар һәм халыҡ оҫталары-кәсепселәр эшләгән әйберҙәр күргәҙмәһе ойошторолоу ҡаралған.