Бөгөн Өфөлә "Китап байрамы" халыҡ-ара йәрминкәлә Башҡортостандың яңыртылған яҙыусылар йорто асылды. Иҫегеҙгә төшөрәбеҙ, уны ремонтлау 2024 йылдың сентябрендә республика Башлығы Радий Хәбировтың Яҙыусылар союзы рәйесе Айгиз Баймөхәмәтов менән осрашыу йомғаҡтары буйынса йөкләмәһенә ярашлы башланды.

Бөгөн Өфөлә "Китап байрамы" халыҡ-ара йәрминкәлә Башҡортостандың яңыртылған яҙыусылар йорто асылды.

Иҫегеҙгә төшөрәбеҙ, уны ремонтлау 2024 йылдың сентябрендә республика Башлығы Радий Хәбировтың Яҙыусылар союзы рәйесе Айгиз Баймөхәмәтов менән осрашыу йомғаҡтары буйынса йөкләмәһенә ярашлы башланды.

 "Республикабыҙҙың Яҙыусылар союзы - иң боронғо һәм абруйлы йәмәғәт ойошмаларының береһе. 1934 йылдан алып ул меңәрләп талантлы авторҙы берләштерә, уларҙың әҫәрҙәре Башҡортостандың ғына түгел, бөтә илдең дә байлығы һанала. Бөгөн беҙҙең яҙыусылар махсус хәрби операцияла ҡатнашыусыларға ярҙам итеүселәр рәтендә. Күптәрегеҙ командировкаларға барҙы, яугирҙәр менән осрашты, ә ҡайһы берҙәре әле лә алғы һыҙыҡта. Яҙыусылар союзына айырыуса "Үҙебеҙҙекеләрҙе ташламайбыҙ" циклы өсөн рәхмәтлемен", - тине Радий Хәбиров.

Республика Башлығы билдәләүенсә, һуңғы өс йылда Яҙыусылар союзына ярҙам итеүгә һәм уны үҫтереүгә 25 миллион һумдан ашыу аҡса йүнәлтелгән.

Республика халҡын тантаналы ваҡиға менән Рәсәй Китап союзы президенты Сергей Степашин ҡотланы. Радий Хәбиров менән Сергей Степашин яңыртылған яҙыусылар йортон, әҙәби ҡунаҡ бүлмәһен һәм күргәҙмә залын ҡараны, яҙыусылар менән аралашты.

Яҙыусылар союзы Коммунистик урамындағы элекке сауҙагәр Поликарпов йортоноң мәҙәни мираҫ объектында урынлашҡан. Хәҙер бында ҙур конференциялар залы, кинозал, күргәҙмә, әҙәби кафе, китапхана урынлашасаҡ. Бина эргәһендә "Өфө йүкәләре" әҙәби скверы барлыҡҡа килде. Ул республиканың халыҡ шағиры Назар Нәжмиҙең иҫтәлегенә дан булып тора, ул тап ошо бинала эшләп, кабинеты тәҙрәһе янында үҫкән йүкәләргә ҡарап, баш ҡалабыҙҙың рәсми булмаған гимны "Өфө йүкәләре" йырының тексын ижад иткән.

"Беҙ стеналарҙы эшләнек, ә хәҙер яҙыусылар союзының сираты - бында тормош ҡайнап торорға тейеш. Скверға йәш шағирҙәр, яңы яҙыусылар килһен, ҡыҙыу бәхәстәргә урын булһын, кешеләр өҙөлмәһен", - тип өҫтәне Радий Хәбиров.

Фотолар: Олег Яровиков