4 март Башҡорт дәүләт филармонияһында иң яҡшы көн! Яҙҙың иң сағыу проекты NON-STOP режимында филармония марафоны бер көндә төрлө жанрҙағы 10 концерт тәҡдим итә, классиканан алып джаз һәм этникаға тиклем. Бындай киң сара баш ҡалабыҙҙа ғына түгел, республикала тәүге тапҡыр ойошторола.

Х.Әхмәтов исемендәге Башҡорт дәүләт филармонияһының ИҢ ЯҠШЫ КӨН марафонында мәҙәниәт усағының иң яҡшы солистары, коллективтары, ижади көстәре ҡатнаша. Байрамға килгән һәр тамашасыны үҙенсәлекле бүләктәр, викториналар, «йондоҙҙар» менән фотоға төшөү һәм башҡа сюрприздар көтә. Кескәй дуҫтарыбыҙ өсөн - төрлө уйындар һәм аниматорҙар менән осрашыу ойошторола.

   Музыкаль марафон иртәнге сәғәт 11.00-ҙә Колонналы залда Ольга Даукаева етәкселегендәге «Бейеү араһында» оҫтаханаһы менән берлектә ҡуйылған «Күләгәләр моңо» эксклюзив проекты менән башланып китә. Музыка һөйөүселәрҙең иң йәштәре сәғәт 12-лә йыйыла Орган залына йыйыла. Бында «Музыканы бергә тыңлайбыҙ» проекты үҙ эшен дауам итә.

   Филармонияның балалар академияһы –«Салауат» бейеү студияһы һәм малайҙар капеллаһы үҙҙәренең сираттағы уңыштары менән шатландырырға ашығырҙар. Быға шаһит булыу өсөн 13.00 сәғәттә Ҙур залға саҡырабыҙ!

   Шиғриәт һәм моңло лирика һөйөүселәр, 14.00 сәғәттә Орган залына музаль-әҙәби лекторий артистары менән танышырға рәхим итһендәр. «Әҙәби шишәмбе» бер көнгә генә «Әҙәби шәмбегә»гә әйләнер.

   Бөтә Рәсәй виртуаль концер залы ишектәрен 15.00 сәғәттә аса. Һеҙҙе он-лайн режимында Мәскәү филармонияһы Академия симфоник оркестры (дирижеры - Юрий Симонов) концерты сәләмләр.

   Нестерев музейы менән берлектә ҡуйылған «Сәнғәт менән диалог» арт-проекты Орган залында 16.00 сәғәттә башланһа, 17.00 сәғәттә эстафета Олег Киреев етәкселегендәге «Орлан» һәм «Балайка-бэнд» халыҡ ҡоралдары ансамблдәренә (етәксеһе - Дмитрий Анисимов) тапшырыла.

Киске сәғәт 18.00, Ҙур залда-«КАРАУАН» эстрада төркөмө юбилей концерты, ә Орган залда-«Бөтә ғаилә өсөн концерттар» циклы сиктәрендә республикабыҙҙың органсыһы Эльвира Хәйретдинова музыкаль марафонды йомғаҡлаясаҡтар.