Ырымбурҙа Башҡорт автономияһының 100 йыллығы уңайынан Башҡорт мәҙәниәте һәм мәғарифы көндәре башланды. “Башҡорттар – Ырымбур өлкәһенең ерлекле төп халҡы. 2010 йылғы Бөтә Рәсәй халыҡ иҫәбен алыу мәғлүмәттәре буйынса, бында, аҫаба ерендә, 46 меңдән ашыу милләттәшебеҙ йәшәй, – тип башлап ебәрҙе пленар ултырыштағы сығышын Бөтә донъя башҡорттары ҡоролтайының Башҡарма комитеты рәйесе Данир Ғәйнуллин.

Сарала шулай уҡ Башҡортостан Башлығы Хакимиәтенең Ижтимағи-сәйәси үҫеш идаралығы етәксеһе Урал Килсенбаев, республиканың мәҙәниәт министры урынбаҫары Ранис Алтынбаев, Башҡорт ҡатын-ҡыҙҙары ойошмаһы рәйесе, Дәүләт Йыйылышы – Ҡоролтай депутаты Гөлнур Ҡолһарина ҡатнаша. Башҡорт мәҙәниәте һәм мәғарифы көндәрен асыу барышында "Бабич" нәфис фильмы күрһәтеләсәк, Сибай дәүләт филармонияһы концертын ҡарарға һәм
күргәҙмә-йәрминкә менәнтанышырға мөмкин.