Ырымбур ҡалаһында "Каруанһарай" мәсетендә Асыҡ ишектәр көнө үтте. Тарихи архитектура комплексында уҙған сарала Башҡортостан Республикаһы хөкүмәте премьер-министры урынбаҫары Азат Баҙранов ҡатнашты.

Тантаналы сара Крупская исемендәге өлкә универсаль ғилми китапханаһының конференциялар залында үтте. Бында Ырымбур өлкәһенең дәүләт архивы әҙерләгән "Каруанһарай - Ырымбурҙың архитектура ынйыһы: кисә, бөгөн, иртәгә" архив документтары күргәҙмәһе ойошторолдо. Шулай уҡ "Карауанһарай: үткәндән хәҙергегә" видеоролигы менән таныштырыу булды.

Вице-премьер Ырымбур өлкәһе етәкселегенә телде һәм мәҙәниәтте һаҡлау эшендә башҡорт халҡына ярҙам күрһәткәндәре өсөн рәхмәт белдерҙе.

"Карауанһарай - ике төбәктең тарихы менән бәйле шәхси, һыбайлы урыны", - тип һыҙыҡ өҫтөнә алды ул.

Сарала ҡатнашыусылар алдында Ырымбур өлкәһенең башҡорт ижади коллективы сығыш яһаны.