Иртәгә, 15 ноябрь көнө «Башҡортостан» дәүләт концерт залында «Юлдаш-хит» гала-концерты уҙасаҡ.

Байрам тамашаһында 2017 йылдың иң яҡшы йырҙары билдәләнә. Йылға музыкаль йомғаҡ яһаусы сараны ойоштороусы- «Юлдаш» йыр һәм мәғлүмәт радиоһы.

Тамашасыларҙы сағыу сығыштарҙан торған бай йөкмәткеле программа, «Юлдаш» радиоһында ай һайын уҙғарылған хит-парадтар еңеүселәренең сағыу сығыштары көтә.

 Сәхнә түрендә тамашасылар тауыш биргән 30 башҡорт эстрадаһы йондоҙоның сығыш яһауы көтөлә.

«Юлдаш-хит-2017» гала-концертында— Фидан Ғафаров, Рәсүл Ҡарабулатов, Фәҙис Ғәниев, Лилиә Букеева, Фәрүәз Урманшин, Баязит Байназаров, Венер Камалов, Хәсән Усманов, «Бүреләр», «Улар», «Бирешмә» төркөмдәре ҡатнашасаҡ.