Ситтәге милләттәштәребеҙ мәҙәниәтебеҙҙе пропагандалауҙа әүҙем эшләй. Златоуст ҡалаһында Славян мәҙәниәте үҙәге милләттәр байрамы уҙғарҙы. Унда Силәбе өлкәһендә эшләп килгән “Башҡорт биҙәктәре” коллективы ла ҡатнашты. Данлыҡлы “Уралым”дан тыш, Бөйөк Ватан һуғышы батырҙарына арналған “Иҫтәлек”, башҡа йырҙар, бейеүҙәр башҡарҙы башҡорт ансамбле. Был турала Башҡортостандың Силәбеләге Тулы хоҡуҡлы вәкиллегенән хәбәр итәләр.