Күгәрсен районының “Мораҙым” гәзите редакцияһы хәбәр итеүенсә, Башҡортостандың халыҡ яҙыусыһы Зәйнәб Биишева исемендәге сәсмә әҫәрҙәр конкурсы иғлан ителә.

Әҫәрҙәр башҡорт телендә яҙыла, темаһы ирекле. Конкурсҡа бығаса донъя күрмәгән әҫәрҙәр генә ҡабул ителә. Бер автор конкурсҡа бер-нисә әҫәрен тәҡдим итә ала, үҙе хаҡында мәғлүмәт һәм фотоһын ебәрһә лә була, «Мораҙым» гәзитен алдырыу  мотлаҡ.

Әҙәби ярыш 2017 йылдың аҙағына тиклем дауам итә. Бәйгегә киләһе йылдың ғинуарында йомғаҡ яһала, уҡыусы балалар һәм ололар араһында еңеүселәрҙе махсус баһалама комиссияһы билдәләйәсәк.