Бөгөн -27 февраль Мәжит Ғафури исемендәге Башҡорт дәүләт академия драма театры сәхнәһендә уҙасаҡ "Зөләйха күҙҙәрен аса" спектаклен ҡарарға Мәскәүҙән романдың  авторы, «Большая книга» һәм «Ясная Поляна» милли премиялары лауреаты, билдәле яҙыусы Гүзәл Яхина килде.

Гүзәл Яхинаның "Зөләйха күҙҙәрен аса" романы китап яратыусылар араһында ҙур ҡыҙыҡһыныу уятҡан әҫәрҙәрҙең береһе.

Әҫәрҙе драматург Ярослава Пулинович сәхнәгә әҙерләгән, Хөрмәтулла Үтәшев башҡортсаға тәржемә иткән.

Спектаклде сәхнәгә ҡуйыусы режиссер - Айрат Әбүшахманов. Мәжит Ғафури исемендәге Башҡорт дәүләт академия драма театры Гүзәл Яхинаның “ Зөләйха күҙҙәрен аса» романын сәхнәгә тәүгеләрҙән булып ҡуйҙы. Кеше ҡайһы ваҡытта үҙенең ниндәй тарлыҡта, меҫкенлектә йәшәгәнен белмәй ҙә. Ҡайһы саҡ яҙмыш ауырлыҡтар менән бер рәттән яңы тормош, мөхәббәт тә бүләк итә. Бәхетһеҙлек бәхет тә килтерергә мөмкин, фекерен еткерергә теләнем, тип яҙа автор   Гүзәл Яхина.

«Зөләйха күҙҙәрен аса»  (“Зулейха открывает глаза”) 2015 йылда рус телендә һәм 2016 йылда татар телендә  нәшер ителгән роман.