Мәжит Ғафури исемендәге Башҡорт дәүләт академия драма театры гастролдәре Мәскәүҙә аншлаг менән үтте. Баш ҡала тамашасыһы хөкөмөнә тәүҙә "Зөләйха күҙҙәрен аса" спектакле тәҡдим ителде. Гүзәл Яхина үҙенең романы буйынса ҡуйылған тамашаны инде икенсегә ҡараны. Яҙыусы башҡорт театры эшен юғары баһалай.
Был спектаклгә 800 билет бер нисә көн эсендә һатылып бөткән. Спектакль тамашасыларҙы ғына таң ҡалдырмаған. Уны "Алтын битлек" премияһына тәҡдим итәләр. Тамаша мәртәбәле награданың бер юлы 6 номинацияһына дәғүә итә. "Алтын битлек" премияһын алған еңеүселәрҙең исеме апрелдә билдәле буласаҡ.