Сарала мәҙәниәт хеҙмәткәрҙәре әҙиптең күп йыллыҡ ижадын барланы: Зәйтүнә Зәйнешева "Ут күрше”, "Хөппөниса зары”, Гөлфирә Бәширова "Яҙ” шиғырҙарын уҡыны, Ғәзиз Ҡунаҡбаев "Ҡышҡы романс”, Эльвира Насирова "Аҡ сәскәләр”, Хызыр Нәзиров "Өфө йүкәләре”, Рәмил Ҡотдосов "Һиңә тағын мин бер киләм әле”, Фәнзил Ғәлин "Мине юлдар саҡыра” йырҙарын тамашасыларға бүләк итте.
Р.Ҡотдосовтоң ҡурай моңдары, Алтынай Анисимова менән Дмитрий Локоленконың, Эльвира Хөснөтдинованың бейеүҙәре кисәгә матур биҙәк өҫтәне.
Нәфис һүҙ оҫтаһы Рәзилә Хәбибуллина алып барған сара вокаль ансамбль башҡарыуында күп сараларҙың аҙағында йырланып, гимнға әүерелгән "Юҡҡа түгел, юҡҡа түгелдер” йыры менән тамамланды.
Кисәне музыкаль яҡтан Наил Вәлиев менән Алик Шәмситов биҙәне.