1 сентябрҙә «Мәҙәниәт» милли проектын тормошҡа ашырыу сиктәрендә булдырылған Ҡариҙел үҙәк район моделле китапханаһында «Бир биште!» тип аталған уйын программаһы үтте.

Белем көнөнә арналған сарала уйындар, конкурстар һәм викториналар мәктәптәге дәрестәргә бәйле булды. Бай йөкмәткеле уйын программаһы аҙағында ҡатнашыусылар һорауҙарға яуап бирҙе һәм табылған һүҙҙәрҙән кроссворд төҙөнө.

«Байрам шәп килеп сыҡты. Математика һәм рус теле буйынса турҙар айырыуса ҡыҙыҡлы булды, шулай уҡ кроссворд сисеп, конкурстарҙа ҡатнашыу оҡшаны»,- тип тәьҫораттары менән уртаҡлашты Ҡариҙел ауылының 1-се урта мәктәбе уҡыусыһы Алина Зәйнетдинова.