Өфө ҡунаҡтары кескәй тамашасыларға Корней Чуковский әҫәре буйынса сәхнәләштерелгән «Доктор Айболит» спектаклен тәҡдим итте.
Гастролдәр Башҡорт дәүләт ҡурсаҡ театрында үтте. Кескәйҙәр йырлы-моңло Ырымбур артистарын көслө алҡыштар менән ҡаршы алды һәм спектаклде тын да алмай күҙәтте. Ҡапыл ауырып киткән әкиәт геройҙары өсөн борсолоп та алды, доктор Айболиттың алтын ҡулдарына, шифалы дарыуҙарына бергәләп һөйөндө. Ырымбурҙар әйтеүенсә, бер-береңә ҡунаҡҡа йөрөү тәжрибә уртаҡлашыу йәһәтенән файҙалы. Икенсенән, һәр төбәктең тамашасылары айырылып тора.