Бөгөн Ҡурған өлкәһенең Сафакүл ауылында “Һылыуҡай” башҡорт ҡыҙҙарының гүзәллек бәйгеһенең һайлап алыу туры үтәсәк.

Конкурста 16-25 йәшлек кейәүҙә булмаған, балалары булмаған башҡорт ҡыҙҙары ҡатнаша ала. Улар башҡорт халҡының тарихын һәм мәҙәниәтен белергә, туған телдә һөйләшергә, тәбиғи матурлыҡҡа эйә булырға  һәм  буйы 165 см кәм булмаҫҡа тейеш.

Һәр ҡатнашыусыға үҙе тураһында ҡыҫҡаса һөйләп бирергә, ижади конкурс өсөн бейеү йә йыр әҙерләргә кәрәк.

Гүзәллек бәйгеһенең гала-концерты 3 декабрҙә Башҡортостан дәүләт концерт залында үтәсәк. Еңеүсегә бүләккә – еңел автомобиль.

Белешмәләр өсөн телефон: +7 917 379 38 72.