Башҡорт халыҡ ижадына арналған конкурста республика төбәктәренән 11 этно-төркөм ҡатнашты. Саранан Пермь крайында йәшәүсе милләттәштәребеҙ ҙә ситтә ҡалманы. Улар башҡорт халҡының музыка ҡоралдарында уйнап халыҡты хайран ҡалдырҙы. Фестиваль сиктәрендә 2016-2020 йылдарҙа республиканың төньяҡ-көнсығыш райондарын социаль-иҡтисади йәһәттән үҫтереү комплекслы программаһына ярашлы, этно-музыка йүнәлеше мәсьәләләре күтәрелде. Кәңәшмәлә Балаҡатай, Дыуан, Мәсетле, Салауат һәм Ҡыйғы районының мәҙәниәт бүлеге етәкселәре ҡатнашты. «Йор үҙән» этно-фестивале тәүге тапҡыр 2014 йылда «Салауат йыйыны» фольклор байрамында ойошторолғайны.