"Ҡырағай" фильмы Чебоксарҙа үткән X Халыҡ- ара кинофестивалдә приз яуланы

"Ҡырағай" фильмы Чебоксарҙа үткән X Халыҡ- ара кинофестивалдә приз яуланы

Башҡортостан йәштәренең “Шоңҡар” журналы хәбәр итеүенсә, Фәрзәнә Утарбаеваның "Ҡырағай" фильмы Чебоксарҙа үткән X Халыҡ- ара кинофестивалдә иң яҡшы сценарий өсөн призға лайыҡ булды.

 “Фильмды бик йылы ҡабул иттеләр. Тамашасы илап та алды. Яҡутияның билдәле режиссеры Степан Бурнашев киноны ҡарағас та сценарийҙы маҡтап китте. Мәскәүҙән Дмитрий Пиркулов фильмды киңерәк танытыуға булышлыҡ итергә теләген белдерҙе. Беренсе сценарийым өсөн шундай баһаға лайыҡ булғаныма сикһеҙ шатмын”, – тине Фәрзәнә Утарбаева.

 Әйткәндәй, Франция, Яҡутия, Сыуашстан, Татарстан һ.б илдәрҙән 16 фильм ҡатнашҡан, шуларҙың дүртәүһе – еңеүсе. Тап беҙҙең фильмдың еңеүселәр араһында булыуы ғорурлыҡ тойғолары уята.

Ә Фәрзәнә артабан да төрлө кинофестивальдәрҙә ҡатнашырға һәм яңы фильмдар төшөрөргә ниәтләй.

 

 

 

 

 

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb