6 декабрҙә «Күңелемдә яҙҙар», «Сейәләрем», «Сит ерҙәр уттары ят икән» йырҙары менән эстрадабыҙға килеп ингән һәм шунда уҡ тамашасылар күңелендә үҙ урынын тапҡан, үҙенсәлекле тауышлы башҡарыусы, йырҙар авторы, халыҡ-ара һәм республика конкурстары лауреаты Тимур Рамаҙан тәүге концертын тәҡдим итә.

«Тимур Ramazan» проектының режиссеры - Башҡортостандың атҡаҙанған артисы Сулпан Асҡарова.

Һәр ваҡыт эҙләнеү юлында булған егет үҙенең иң сағыу һәм иң «тәмле» йырҙарын бүләк итәсәк. Солист үҙенең «Тимур Ramazan» проектын тамашасы хөкүменә сығара. 

 Концертта Тимурҙың ижадташ дуҫтары «Карауан» эстрада төркөмө егеттәре Марсель Ҡотоев, Рөстәм Шаһыбалов, Салауат Мөхәмәтйәров, моңло һандуғасыбыҙ, Башҡортостандың атҡаҙанған артисы Лилиә Ишемйәрова, һәләтле йәш йырсылар Айҙар Рәҡипов һәм Нурзиә Сабитова, баҫҡан ерендә ут сәсрәтеп бейеүсе Ильяс Ҡарабулатовтың сығыштарын күрә алаһығыҙ. Тамашаны Зөлмәрә Ҡарабулатова һәм Гүзәл Ғәлләмова алып бара.