Нефтекама ҡалаһының үҙәк китапханалар системаһы ойошторған «Һуғыштың беренсе көнө» исемле хәрби-патриотик акция тамамланды. Акция Бөйөк Еңеүҙең 75 йыллығына арналды.

Акцияла ҡатнашыусылар төрлө әҫәрҙәрҙә һуғыштың беренсе көнөн тасуирлаған өҙөктө табырға һәм төркөмдә махсус хештэг менән баҫтырырға тейеш ине.

Акцияла Рәсәйҙең бөтә мөйөштәренән ҡатнаштылар: Удмуртия, Чувашия, Татарстан, Марий Эл, Крым, Коми республикаларынан, Алтай, Пермь, Ставрополь, Красноярск, Һарытау, Калининград һәм башҡа өлкәләрҙән 205 кеше булды. Улар араһында китапханасылар ғына түгел, уҡыусылар, уҡытыусылар, тәрбиәселәр бар.