Күптән түгел Һуҡырҙар өсөн Башҡортостан республика махсусу китапханаһында “Ибраһим Ғиззәтуллин: яңынан сафтарҙа” китап күргәҙмәһе асылды. Китапхана абонементы уҡыусылар иғтибарына яҙыусының әҫәрҙәренән торған китап күргәҙмәһен тәҡдим итә.
Ибраһим Ғәзизулла улы Ибраһимов – башҡорт яҙыусыһы, 1918 йылдың 15 сентябрендә Ишембай районы Түбәнге Әрмет ауылында донъяға килгән. 1935-1938 йылдарҙа Стәрлетамаҡ педучилищеһында уҡый. Уны тамамлағас, уҡытыусы булып эшләй.
1938 йылда Ҡыҙыл Армия сафына алына, Бөйөк Ватан һуғышында ҡатнаша. 1955 йылда “Әҙәби Башҡортостан” журналында тәүге хикәйәһе – “Гөлзәйнәб” баҫыла. “Икенсе бейеклек” романы һуғыш йылдарына арналған.
Ул дәүләт наградаларына, хәрби орден-миҙалдарға, Ғ. Сәләм исемендәге дәүләт премияһына лайыҡ.