Һуҡырҙар өсөн Башҡортостан республика махсус китапханаһы абонементы, осоуы, гвардия полковнигы, ике тапҡыр Советтар Союзы Геройы Муса Гәрәевтың тыуыуына 95 йыл тулыу айҡанлы, “Һауаға ғашиҡ кеше” китап күргәҙмәһен тәҡдим итә.

Муса Гәрәев 1922 йылдың 9 июнендә, хәҙерге Илеш районында донъяға килгән. 1940 йылда Наркомат техникумын тамамлай. Ошо уҡ йылдың декабрендә әрме сафтарына алына.

25 сентябрь 1942 йылда Энгельск хәрби авиация мәктәбен тамамлағас, фронтҡа ебәрәләр.

1944 йылда эскадриль командиры итеп һайлана. Муса Гәрәев, һуғыш йылдарында, бөтәһе 250-гә яҡын хәрби осош яһай. Һуғыш тамамланыуға ул инде полк штурманы, майор вазифаһын алған була. 1945 йылдың 25 июнендә Мәскәүҙә Еңеү парадында ҡатнаша.

Һуғыштан һуң да, хеҙмәтенә тоғро ҡала. 1951 йылда М. В. Фрунзе исемендәге хәрби академияны, ә 1959 йылда СССР-ҙың Генераль штабы хәрби академияһын тамамлай. 1956 йылда уға полковник дәрәжәһе бирелә.

1964 йылдан, һаулығы насар булыу сәбәпле, запаста ҡалдырыла. Өфөлә эшләй һәм йәшәй. 1965 йылдан алып 1977 йылға тиклем ДОСААФ башҡорт республика комитеты председателе булып тора.

Муса Гәрәев 1987 йылдың 17 сентябрендә яҡты донъянан китеп бара. Өфөлә Еңеү паркында ерләнгән.