22 мартта Башҡортостан республикаһының Мәҙәниәт министрлығы һәм Һуҡырҙар өсөн республика махсус китапханаһы “Үҙенсәлекле бала донъяһы” республика семинарын уҙғарҙы.
Семинарҙың маҡсаты – китапхана хеҙмәтләндереүе ысулдары, социомәҙәниәт формалары һәм методтары менән инвалид балаларҙы реабилитациялау мәсьәләләрен ҡарау.

Семинар эшендә республиканың яуаплы министрлыҡтар һәм идаралар вәкилдәре, Дөйөм тарих һәм мәҙәни мираҫ кафедраһы, М. Аҡмулла исемендәге БДПУ-ның ғилми-эҙләнеү лабораторияһы һәм “Мәрхәмәт” белем биреү шәфҡәтлелек ,фонды, 28-се махсус Өфө дөйөм белем биреү интернат-мәктәбе ҡатнашты. 
Шулай уҡ, семинарҙа ҡатнашырға инвалидтар менән эшләгән республиканың дөйөм хеҙмәтләндереү китапханалары, махсус китапхана пункттары белгестәре саҡырылғайны.