5 сентябрҙә Нефтекама ҡалаһында башҡорт ҡыҙҙарының «Һылыуҡай-2020» конкурсына кастинг башлана.

Конкурста ҡатнашыу өсөн 16-25 йәшлек кейәүҙә һәм балаһы булмаған, сәләмәт тормош алып барған ҡыҙҙҙар саҡырыла. Ҡыҙҙар башҡорт телен белергә, тәбиғи матурлыҡҡа эйә булырға, буйҙары 165 сантиметрҙан кәм булмаҫҡа тейеш. Шулай уҡ сәхнә мәҙәниәте, матур итеп фотоға төшә белеү ҙә баһаланасаҡ.

Конкурс өс этапта уҙғарыла. Беренсе этап – конкурстың төбәк туры Рәсәйҙең 11 төбәгендә һәм Башҡортостандың 9 зонаһында була: 5 сентябрҙә — төньяҡ-көнбайыш, 6 сентябрҙә – төньяҡ, 19 сентябрҙә – үҙәк, 20 сентябрҙә –  төньяҡ-көнсығыш, 4 октябрҙә – көнсығыш, 18 октябрҙә – көньяҡ-көнсығыш, 17 октябрҙә – көньяҡ, 24 октябрҙә – көньяҡ-көнбайыш, 25 октябрҙә – көнбайыш зона. Кастингтың тәүге ҡалаһы – Нефтекама.

Еңеүселәр 7 ноябрҙә Өфөлә финалда ҡатнашасаҡ. Конкурстың финалына сыҡҡан ҡыҙҙар өсөн хореография, йыр, актёр оҫталығы, подиум хореографияһы, визаж буйынса белгестәр менән дәрестәр ойошторола, кейем һайлауҙа ярҙам күрһәтелә.

Белешмә өсөн телефондар: 8(347) 289-66-47 – Таныбаева Эльза Марат ҡыҙы; 8 (347) 289-65-50 – Бадалова Гөлнара Ғиниәт ҡыҙы; 8 917 369 99 99 – Машко Евгения Петровна; 8 917 379 38 72 – Үтәгәнова Айгөл Илгиз ҡыҙы.