Күптән түгел Әбйәлил районының Ҡырҙас ауылында урындағы башланғыстарға булышлыҡ итеү программаһы ярҙамында өр-яңынан ҡалҡып сыҡҡан Мәҙәниәт усағы файҙаланыуға тапшырылды. 

«Ҡомартҡы» фольклор ансамбле тантанаға килеүселәрҙе дәртле таҡмаҡтар менән ҡаршыланы. Мәртәбәле ҡунаҡтар икмәк-тоҙҙан ауыҙ иткәс, ҡыҙыл таҫма киҫеү хөрмәте район башлығы Р. Һ. Сыңғыҙовҡа һәм депутат А. З. Әминевҡа бирелде.
Ауыл биләмәһе башлығы Р. Р. Ғәйзуллин тарафынан клуб рәсми рәүештә асыҡ тип иғлан ителде һәм Мәҙәниәт йортоноң ауылдаштары мәнфәғәтендә оҙаҡ йылдар хеҙмәт итеүен теләне. Объекттың хаҡы 1 миллион 121 мең һумға төшкән. 
Ауыл һәүәҫкәрҙәре, мәктәп уҡыусылары, балалар баҡсаһы тәрбиәләнеүселәре яңы сәхнәне ҡотлап концерт ҡуйҙы.