11 майҙа Башҡортостан Республикаһының мәҙәниәт министры Әминә Шафиҡова "Башҡортостан-24" каналында иртәнге тапшырыуҙа "АРТ-Ҡоролтай" мәҙәни форумы тураһында һөйләне.

Форум 14 майҙа үтә. Ул Бөтә донъя Фольклориадаһына тиклем 50 көн иҫәп башланыуға арналған.

"Фольклориаданың идеяһы - донъя ҡиммәттәре тирәләй бөтә донъя берләштереү. "АРТ-Ҡоролтай"ҙы ла бөтәһен дә берләштереүсе майҙансыҡҡа әүерелеүен теләйбеҙ. Форумға мәҙәниәт министрҙары, филармониялар директорҙары, Волга буйы федераль округы төбәктәренең һәм Рәсәйҙең башҡа төбәктәренең халыҡ ижады үҙәктәре директорҙары килә. Мәскәүҙән һәм Санкт-Петербургтан билдәле спикерҙар саҡырылған ", - тип һөйләне министр.

Эфирҙы ошо һылтанма буйынса ҡарарға мөмкин: https://gtrk.tv/proekty/dobroe-utro-ufa/dobroe-utro-ufa-art-kurultay-bashkirii.