18 февралдә Заһир Исмәғилев исемендәге Өфө дәүләт сәнғәт институтының театр факультеты студенттары «Ауыл уҡытыусыһы» документаль спектакль күрһәтәсәк. Спектакль Башҡортостан райондарында уҙған экспедициялар һөҙөмтәһендә барлыҡҡа килгән.

Вербатим – документаль театрҙың бер формаһы, ул интервьюға таяна. Бында бер һүҙ ҙә уйлап сығарылмаған. Спектакль өсөн материалды авторҙар замандаштарҙан йыйған, ябай кешеләр һөйләгәнде видеоға яҙҙырып алған. Актерҙар уларҙың интонацияһын, үҙ-үҙҙәрен тотошон, телмәрен ҡабатлап күрһәтә.  Был геройҙар тамашасыға үҙҙәрен, таныштарын хәтерләткәндәй тойолор. Документаль театрҙың үҙенсәлеге шунда.

Спектаклдә күтәрелгән киҫкен мәсьәләләр бер кемде лә битараф ҡалдырмай. Йәш актёрҙарҙың һәр береһендә бер нисә роль, монологтар бар.

Спектакль башҡорт телендә бара.

Режиссеры - Рима Харисова

Спектакль киске 6-ла башлана.

Билеттар: vk.cc/cllzpu