Тиҙҙән 11 – 13 мартта Өфө ҡалаһында Стәрлетамаҡ дәүләт театр-концерт берләшмәһенең гастролдәре үтәсәк.
11 мартта “Башҡортостан” дәүләт концерт залында Өфө тамашасылары “Урал легендалары” мюзиклын күреп ҡыуаныр. Артабан тамашалар “Нур” татар дәүләт драма театры сәхнәһендә уҙасаҡ. 12 мартта Мөхәмәтша Буранғоловтың бынан бер быуат элек сәхнәләштерелгән данлыҡлы “Ашҡаҙар” музыкаль драмаһы тәҡдим ителәсәк.
Шулай уҡ Спартак Ильясовтың “Биғылый” романы буйынса сәхнәләштерелгән тамашаһынан ситтә ҡалмағыҙ. Спектаклдәргә рәхим итегеҙ!