25 июндән 1 июлгә тиклем Өфө үҙәк китапханаһында «Йәй китап менән»мәғлүмәт көндәре үтә. Күргәҙмә залы кәштәләрендә яңы китаптар күрһәтелгән. Китапхана хеҙмәткәрҙәре лә яңы әсбаптар тураһында һөйләй.

Тарих һәм һуғыш техникаһы, тәбиғәт, этикет буйынса махсус китаптар, балалар әҙәбиәте айырым тупланған. Китап яратыусылар бигерәк тә “Хит-парад”, “Яңы китаптар галереяһы” кәштәләре менән ҡыҙыҡһына.

“Тыуған яҡҡа һөйөү” кәштәһе Әлфиә Ситдиҡова, Лилиә Сәғиҙуллина, Камил Фазлый кеүек авторҙарҙың әҫәрҙәре менән таныштыра.