Мәжит Ғафури исемендәге Башҡорт дәүләт академия драма театрының матбуғат хеҙмәте хәбәр итеүенсә, 30 ғинуар көнө Гүзәл Яхинаның “Зөләйха күҙҙәрен аса" спектаклен ҡарарға Екатеринбург ҡалаһынан билдәле Рәсәй драматургы, спектаклдең инсценировка авторы Ярослава Пулинович киләсәк.

Ярослава Пулинович – драматург Николай Коляданың уҡыусыһы, Рәсәй Театр сәнғәте эшмәкәрҙәре союзы стипендиаты. Уның пьесалары Европа һәм Рәсәй илдәренең күп кенә сәхнәләрендә бара.

Иҫегеҙгә төшөрөп уҙайыҡ, быға тиклем режиссер Айрат Абушахманов 2014 йылда Ярослава Пулинович пьесаһы буйынса «Йәнем, иртәгә яңы көн тыуыр» спектаклен сәхнәгә сығарғайны.