Ошо көндәрҙә «Евразия йөрәге» халыҡ-ара сәнғәт фестивален үткәреү программаһы билдәле булды. Фестиваль Өфө амфитеатрында 8-12 июндә уҙғарылысаҡ.
Ғәҙәттәгесә өфөлөләрҙе һәм уның ҡунаҡтарын бай йөкмәткеле программа көтә.
8 июнь- Башҡортостандың Милли симфоник оркестры ҡатнашлығында «Симфоник төн».
9 июнь- «Этнотөн» һәм Башҡортостан Республикаһы халыҡтарының милли кейеме байрамы.
10 июнь- Йәштәр симфоник оркестры менән «Симфоник төн».
11 июндә «Ufa-KuraiFest» проекты менән республиканың төбәк бренды – ҡурай фестиваль кисәһенең төп геройы була.
Ә 12 июндә фестиваль марафоны гала-концерт менән тамамланасаҡ.