Башҡалала-9 июндә «Евразия йөрәге-2018» халыҡ-ара сәнғәт фестивале барышында Милли кейем байрамы ойошторола.
Өфөнөң Совет майҙанында ҙур флешмоб уҙғарыу ҡаралған, милли кейем парады Пушкин урамы, Театр майҙаны һәм Зәки Вәлиди урамы буйлап Конгресс-холлға тиклем үтәсәк.
Сарала Башҡортостанда йәшәгән 40-тан ашыу милләт, башҡорт, рус, татар, сыуаш, поляк, украин һәм башҡа этностарҙың милли кейемдәре тәҡдим ителәсәк.
Байрам сиктәрендә биҙәү-ҡулланма сәнғәте, милли биҙәүестәр, стилләштерелгән кейем күргәҙмәләре эшләйәсәк.