Башҡортостан баш ҡалаһында Конгресс-холл аҫтындағы майҙанда – Өфө Амфитеатрында Башҡортостан Милли симфоник оркестры, Эстрада-джаз оркесты һәм Башҡорт дәүләт филармонияһы артистары ҡатнашлығында концерттар үтә. Тамашалар 23 июндә һәм 7 июлдә ойошторола.
Өфөлә май аҙаҡтарында “Евразия йөрәге” халыҡ-ара сәнғәт фестивале үтте. Сара барышында “Симфоник төн” уҙғарылды. Асыҡ һауалағы тамашаға 22 меңдән ашыу кеше йыйылды.