Кисә, 29 октябрҙә Б.Йосопова исемендәге актерҙар йортонда Башҡортостан театр эшмәкәрҙәре Союзы 80 йыллыҡ юбилейына арналған оло байрам үтте.
Республикабыҙҙың бөтә театрҙары ҡатнашлығындағы байрам күтәренке рухта барҙы. Был көндө Театр Эшмәкәрҙәре Союзын Башҡортостан Республикаһы мәҙәниәт министры Әминә Шафиҡова, Рәсәй театр эшмәкәрҙәре союзы рәйесе урынбаҫары Александр Еремеев, Татарстан театр эшмәкәрҙәре союзы рәйесе урынбаҫары, М.Сәлимжәнов исемендәге Актерҙар йорто директоры Эльмира Фәтхуллина, Башҡортостан кинематографистар союзы рәйесе Фәрит Ғәбитов ҡотланылар.
Республикабыҙҙың театр ойошмаһында бөтәһе 429 СТД вәкиле иҫәпләнә. Барлыҡ театрҙарҙы берләштергән байрам иҫтәлеккә фотоға төшөү менән тамамланды.