Башҡорт дәүләт опера һәм балет театрында Башҡортостандың халыҡ артисы Әлфиә Кәримованың бенефисы уҙҙы. Опера йырсыһы ижади эшмәкәрлегенә 20 йыл тулыуҙы билдәләне. Сәхнәлә төрлө әҫәрҙәр яңғыраны.

Театрлаштырылған тамашала Асҡар Абдразаҡов, Санкт-Петербург ҡунағы Артем Крутько, Екатеринбургтан Михаил Мищенко (фортепиано), Илһам Вәлиев, Артур Ҡәйепҡолов, Илнур Хәйруллин һәм башҡалар ҡатнашты. Концертта музыка һөйөүселәр яратып тың­лаған опера, оперетта, мюзикл­дарҙан өҙөктәр, башҡа сығыштар яңғыраны.

Симфония оркестры, хор, театрҙың балет труппаһы ҡатнашҡан юғары сәнғәт кисәһе тамашасыларға онотолмаҫ тәьҫораттар бүләк итте.