Өфөлә «Дуҫлыҡ гөлләмәһе» милли мәҙәниәттәр фестивалендә 50-гә яҡын балалар ижад коллективтары сығыш яһай. Гала-концерт йома, 21 октябрҙә, Ҡала мәҙәни-ял итеү үҙәгендә (Беренсе Май урамы, 47) уҙа.

 Сара барышында «Рәсәйҙең кино ижадында Башҡортостан» тип аталған биҙәү-ҡулланма ижады күргәҙмәһе ойошторола. Унда өҫтәмә белем биреү учреждениелары тәрбиәләнеүселәренең эштәре ҡуйыла.

«Дуҫлыҡ гөлләмәһе» фестивале 2008 йылдан уҙғарыла. Төп маҡсаты — уҡыусыларҙа илһөйәрлек, милли үҙаң, толерантлыҡ һәм татыулыҡ тойғоһо тәрбиәләү, шулай уҡ үҫеп килеүсе быуынды рухи-әхлаҡи һәм мәҙәни ҡиммәттәргә йәлеп итеү. Йыл һайын һайлап алыу турында 1500-гә яҡын бала ҡатнаша.

Фестиваль йомғаҡтары буйынса еңеүселәр һәм ҡатнашыусылар Өфө мәғариф идаралығының дипломдары менән бүләкләнә.

Гала-концерт көндөҙгө сәғәт 3-тә башлана, тип хәбәр иттеләр ҡала хакимиәтенең матбуғат хеҙмәтендә.


«Башинформ» мәғлүмәт агентлығы, Эльмира Сабирова